متفكرش أن المسيحى ضعيف
او حتى بيخاف من حد السيف
ميعرفش أساسا معنى الخوف
المسيحى بإيمانه مرعب مخيف
متفكرش ان المسيحى جبان
ولا زى فرع فى شجر دبلان
المسيحى أرضه مروية
بمحبة و فرح و خير و أمان
متفكرش ان المسيحى مكسور
ولا زى حتت أرض بور
فى وقت الشدة و التجارب
بيرد بكل إيمان و نور
المسيحى معاه سلاح
قاتل و مرعب و سفاح
سلاحه تملى هو
المحبة و الخير و السماح
يالى عمال تجرح و تعافر
متقولش على المسيحى كافر
لو فتحت قلبه من جوة
هتلاقى محبة و خير وافر
المسيحى مش فريسة
حياته غالية مش رخيصة
هيفضل أخ و صاحب لينا
أصل الجامع زى الكنيسة
المسيحى ميعرفش الخوف
ولا عاجز ولا فاقد الشوف
ابعد عن المسيحيين
يا داعش الإخوان يا خروف
المسيحى بحبل المحبة مربوط
المسيحى بسيف المحبة مخبوط
انت بالنسباله فى حياته
زى شيطان لابس اخطبوط
المسيحى ده أخ ليا
حبه بيجرى فيا
افديه بروحى و دمى
كمان بأيامى الجاية
المسيحى ده مننا
دمه هو دمنا
طبعا متعرفش ليه
ده ابن مصر أمنا
