بالقيديو اوبريت معين المنكسرين للشاعر صفوت فريز

لو كل اصحابك تركوك ………. عايش بين احزان الكون
رغم وفاءك هما خانوك …….. وأنت ساعتها محتاج عون
واقف وحدك وانت جريح ……. زى الريشة ف قلب الريح
أصرخ هلل صلى وصوم ……….. بعد سقوطك إنهض قوم
إرفع راسك فوق ليسوع…… نادى علية وبصوت مسموع
قوللة انا راجع أشكى مواجع …دانا من غيرك كدة موجوع
&&&
غدرت بيك الدنيا ومال ………….. حالك بعد ماكنت أمير
ولقيت نفسك محتاج مال ……. و شفت الذل أكيد م الغير
أوعى تخلى اليأس يطولك ….. خليك واثق واصلب طولك
ألهنا كبير ولة تدابير ……….. حتى الضيقة هدفها الخير
إرفع راسك فوق ليسوع…… نادى علية وبصوت مسموع
قوللة انا راجع أشكى مواجع .. دانا من غيرك كدة موجوع
&&&
لما تحس إنك مذلول …….. وأغلى ماليك سابك وإتخلى
أو واحد وعدك بحلول ……….. ضيع وقتك بعدها ولىَ
سابك تنزف دمع ودم ………….. دايما ً يائس مليان هم
والاحباب مشيوم وسابوك ….. ولافيش جنبك خال ولاعم
إرفع راسك فوق ليسوع…… نادى علية وبصوت مسموع
قوللة انا راجع أشكى مواجع ..دانا من غيرك كدة موجوع
&&&
لما تلاقى حياتك مرة …… مافيهاش طعم عسل بالمرة
والدنيا قفلت أبوابها ………. الخير جوة وتكون برة
حزن وحيرة كانهأ غربة …. كل خطاوى سنينك صعبة
أوهاتكون فى إيديهم لعبة .. يلعبوا بيها فى وسط الحلبة
إرفع راسك فوق ليسوع….نادى علية وبصوت مسموع
قوللة انا راجع أشكى مواجع ..دانا من غيرك كدة موجوع
&&&
مهما قلوبهم تبقى سواد ……. تركوا الحق وطفوا النور
قاسيين على قلبك وبُعاد ……. ودموعك على الخد بحور
ولافيش واحد منهم جالك ……… واتحنن ولا قالك مالك
رغم أنينك كل سنينك ……….. بكرة أكيد هاتكون منصور
إرفع راسك فوق ليسوع…… نادى علية وبصوت مسموع
قوللة انا راجع أشكى مواجع … دانا من غيرك كدة موجوع
&&&
لما تقابل شدة وضيق ………وكل بيبان الكون مقفولة
للفرحة مش لاقي طريق…. والضحكة ماتبقاش بسهولة
لما تحس إنك مكروة ……….. زى مسيحك يوم صلبوة
مرفوض م العالم والإخوة ……. تشبة يوسف لما باعوة
إرفع راسك فوق ليسوع….. نادى علية وبصوت مسموع
قوللة انا راجع أشكى مواجع ..دانا من غيرك كدة موجوع