انتشر خبر منذ فترة قريبة أن هدية السيسي للصين كانت التوصل لعلاج فيرس كورونا. لقينا قنوات أيدت وقنوات نفت، وفيه ناس صدقت وناس كدبت، وكتير قالوا محصلش.
بس أنا بقى غيرك، وربط الأحداث بالنسبة ليا شئ مهم جدا علشان أفهم إيه اللي بيدور.
لما تم الإعلان عن زيارة الوزيرة المفاجئة .. المفاجئة قوي كمان للصين،
وفي وقت غريب لا يُسمح فيه بأي زيارات .. عملت كده
ولما شوفت بعيني الوزيرة بتعمل مؤتمر صحفي في المطار وتمت إذاعته على جميع فضائيات العالم .. عملت كده
ولما عرفت إن الزيارة بأمر مباشر من الرئيس نفسه .. عملت كده
ولما عرفت إن الرئيس باعت معاها هدية للشعب الصيني .. عملت كده
ولما الوزيرة وصلت وتم الاحتفاء بيها بدرجة كبيرة، وقاموا بالسماح لها بدخول المعامل والمختبرات الخاصة،
فهمت إن فيه حاجة مهمة هي رايحة علشانها.
ولما الصين أهدت مصر 1000 جهاز للكشف عن الفيروس، مع خلاصة ماتوصلوا إليه من تجارب .. وخد بالك .. الكشف عن الفيروس بس
الكككككشف .. ماشي ؟!!
وخلاصة التجارب بس .. التجارب .. ماشي ؟!!
يعني مش علاج ولا أمصال ولا لقاحات ولا أجسام مضادة.
ولما ما أعلنوش عن هدية السيسي للشعب الصيني خالص، واكتفوا بقول إنها مستلزمات طبية وكمامات
عملت كده
ليه !!!!!!
علشان حضرتك المستلزمات الطبية والكمامات كده كده بتروح للصين يومياً. وأكتر حاجة بتستوردها الصين دلوقتي من مصر هي الكمامات.
ولو الدنيا مزنقة قوي مع مصر وعاوزه تساعد وتجامل هتبعت الحاجات دي ديليفري مش تبعت وزيرة في بلد موبوءة يعني.
طيب ما علينا
بعدها الصين أعلنت إنه تم اكتشاف علاج لكورونا
وبعدها يتسرب خبر مصل مصري لعلاج كورونا
وبعد مايتكتب في مواقع وينزل في قنوات
يرجع يتنفى
إيه اللي بيحصل ده
طيب ما علينا
بعدها لقينا وفد طبي مصري مسافر الإمارات والسعودية لمساندتهم في موضوع فيرس كورونا.
أيوه هيساندوهم إزاي بس علشان نفهم !!
وبعدها الصحة السعودية أعلنت عن شفاء حالة مصابة بالفيرس وفي 48 ساعة.
ما علينا برضه
من كام يوم كمان الرئيس ترامب اتصل بالرئيس السيسي..
قال إيه .. بيدعمه فى مفاوضات سد النهضة بعد أثيوبيا ما رفضت التوقيع على الاتفاق. طب ما المفاوضات خالصة بقالها أكثر من أسبوع،
إيه بقى اللي يخلي ترامب يتصل بعد المدة دي.
وكمان اتصاله يجي بعد زيارة وزيرة الصحة للصين
ما علينا برضه..
من كام يوم برضه رئيس كوريا الجنوبية على غير العادة اتصل بالرئيس السيسي وقال إنه بيعتز بالعلاقات المتميزة مع مصر وبيتطلع لزيادة حجم الاستثمارات الكورية في مصر، والرئيس عبر له عن تضامن مصر مع بلاده لمواجهة فيروس كورونا.
أيوه برضه تضامن مصر لمواجهة الفيروس ازاي يعني
هنواجهه بإيه …
بالحب والعلاقات السياسية !!
وشرحه حصل من رئيس وزراء إيطاليا، وانهارده مه أنجيلا ميركل.
ولسه قاري إنهارده إن الوزيرة هتقوم بزيارة لإيطاليا في ظروفها اللي الكل عارفها حاليا.
كلنا متأكدين إن فيه حاجة كبيرة جدا خلت الوزيرة تروح وقبلها تعمل مؤتمر صحفى مع السفارة الصينية ويرافقوها للمطار بإحتفاء شديد واستقبال غير عادي هناك، وتقعد أسبوع كامل وبعد ماترجع تقول قريبا جدا الشعب المصري والصيني هيحتفلوا معا بالقضاء عالفيروس !!!
وحالة السعار على مصر في موضوع كورونا من أعدائنا بالشكل المحموم ده، وبعدين فجاة بقالهم يومين بيشيدوا بالسيسي واللى عمله في كورونا، فده معناه إننا واجعناهم أوي ودخلنا جون كمان وإنهم بيلموا نفسهم قبل ماتتفضح كدبتهم ويحتاجولنا، فبيقدموا السبت.
الدول دي مش عبيطة، دي كيانات عملاقه بشكل مخيف،
وكل خطوة بيعملوها محسوبة.
ومعلش
كون تم السماح بتسريب الخبر ويرجعوا ينفوه
ويخلوا الناس تقول حصل ومحصلش
وقنوات تنشر وقنوات تنفي
أعتقد إن دة شغل عالي ومقصود جداً،
لأن خبر زي دة مش سهل.
وزي ما له فوائد كبيرة جداً .. له أضرار برضه.
وأيضاً لازم نتتبع المنهج العلمي وفترة بعد العلاج للمرضى للتأكد من إن مفيش انتكاسة.
وموضوع زيارة الوزيرة وهدية السيسي ده مش هيبقى خبر ويمر مرور الكرام والسلام.
وعمري ما هقلل ولا هسخف من الحدث لأنه كبير فعلاً.
الكلام له معاني كتير وتساؤلات كتير، بس إيه تحديدا، الله أعلم كله هيتعرف في وقته.
أنا قولت رأيي ولك كل الحق إنك تقول رأيك.
علشان كده أنا حطيت قدامك كل الشواهد الغريبة المريبة المستفزة لغرائزنا الوطنية اللي طلعت قدامنا اليومين اللي فاتوا.
ولك كامل الحرية إنك تصدق أو لا تصدق.
نسيت أقول حاجة..
انتظروا خلال أسابيع الإعلان عن القضاء التام على فيرس كورونا
واللي هيطلع فائز في النهاية هتكون مصر
حفظ الله بلادى
