نازك شوقى
أعرب الفنان عادل إمام عن سعادته الكبيرة بالحفاوة البالغة من الجمهور المصري والعربي بذكرى عيد ميلاده ال80 قائلًا: “بحب الشعب المصرى والعربى كتير كتير، وبحب الناس اللى ساعدتنى كتير، وبحب الناس اللى ساعدتهم واللى اشتغلو معايا بحب كل حاجة حلوة فى بلدنا كتير كتير،
قال عادل إمام خلال مداخلة هاتفية مع الإعلامى وائل الإبراشى، ببرنامج “التاسعة”، المذاع عبر القناة الأولى المصرى: “”الشعب المصرى عمره ما اكتأب.. ولو اكتأب بيقول نكتة.. إحنا مش بنكتئب إحنا بنضحك.. وإحنا صناع البهجة والضحكة والتفاؤل”.
وفيما يتعلق بأزمة كورونا، قال عادل إمام مازحًا:
تباعد إيه؟.. وكمامات إيه؟.. يوم المحبة هتلاقى أصدقائى المحبين ليا، وبنضحك وننبسط”متابعا “يعنى أنا اللى هحل الأزمة دى يا وائل… ياريت.. إننى أطبق العزل المنزلى”.
وعن رأيه فى مسلسل فلانتينو قال : شهادتى
مجروحة، لكن أرى أنه عمل جيد.. ولا أعتقد أننى سأشارك فى أعمال سينمائية.. السينما الآن بعافية شوية”.
وأضاف: “الفن والأدب لهم قيمة عظيمة فى مجتمعنا، وهو خطر على الإرهابيين لذا يحاربونه.. أنا مش هخاف منهم.. ودايما مع الحق وبلدى”.
وعلى الجانب الأخر وجهت الفنانة المصرية يسرا، التهنئة للفنان عادل إمام، بمناسبة احتفاله بعيد ميلاده الـ80. عبر حسابها على موقع “أنستجرام”عنوانها : كل سنه وانت زعيم الفن و زعيم حياتي”.
وقالت يسرا في رسالتها: “كل سنة وإنت بيك الفن له ضحكة وبصمة مختلفة، طبعا كلامي كله مش هيكفي ولا يوفي عشان أشكرك على كل سلمة طلعتها ونجحت بسبب وجودك وسندتك في حياتي الفنية والشخصية”.
وأضافت: “مشواري معاك من أجمل مشاوير حياتي، ليك بصمة كبيرة فيها، كل سنة وإنت طيب يا كبير وزعيم الضحكة في الوطن العربي ربنا يخليك لينا ويخليك لمصر”.
