لما تطلع المترو وتلاقي الباعة الجائلين منتشرين داخل المترو عادي جدا ، و لما يطلع العسكري وينزله يبقى النظام حلو مفيش اختلاف في الموضوع ده لكن اللي مش عادي لما تلاقي العسكري ينزل واحد ويعمله غرامه و واحد تاني موجود داخل القطار وكانه مش شايفه .
اولا :من العدالة ان الغرامه تشمل جميع البائعين الجائلين وبعدين بعد هذا الغلاء الفاحش لما انت تمنع الباعه الجائلين من البيع داخل القطار وفر لهم مكان يقدرو يشتغلوا ويبيعوا فيه ،
خدو بالكم كم السرقات وبيع الاعضاء والخطف انتشر لان الناس مش لاقيه تاكل ولا تأكل عيالها مش معني كده اني باجد لهم عذر لتلك الجرائم ، لا المقصود من كلامي أن نشوف حلول للفئه الكادحه والا سوف يتحولوا الي مجرمين ان لم توفر لهم فرصه جيده لرزق كريم يستطيعوا من خلاله ان يطعم اولاده
ثانيا : لاحظت في جميع الوظائف المطروحه حاليا للسن الصغير مع العلم ان جميع الشركات استغنت عن العاملين هل معني هذا ان رب العائله لا يجد فرصه عمل كريمه ليستطيع ان يكمل رسالته تجاه اولاده ؟ وبالتالي لا يجد مال لكي يطعمهم فيلجأ للسرقه وبالتالي نساعد المواطنين علي الجريمه .
علي فكره المجرم مش مولود مجرم ولكن ظروف الحياه هي من وضعته في هذا الوضع ولانلوم غير انفسنا من انتشار الجرائم لاننا نحكم علي الاشخاص ونحن في ظروف معيشيه مريحه لانحس بالاخرين ولهذا لا نلتمس لهم العذر اذا اردت وطن بلا جريمه اسعي لخلق فرص عمل كريمه لهم دون اهانه او إزلال .
فيا اصحاب الشركات انظرو لكبار السن وحطهم في الاعتبار حتي يجدو وسيله للربح هايطلع حد يقولي والشباب يعني ميشتغلوش .طبعا مش مقصود من كلامي كده انا المقصود في ناس عندها مصاريف واسره ومدارس بالله عليكم يعملوا ايه لو معرفوش يجدو شغل سوف يتحولو الي مجرمين وبالتالي كلامي للشباب اذا الشاب لم يجد فرصه عمل كربمه سوف يكون مجرم المستقبل وسوف يكون ساخط علي بلده .
ايها المسئولين انظرو الي المواطن المطحون وانزلوا من برجكم العالي وحسوا بالغلابه شويه بلاش القرارات اللي وصلت المواطنين الي ما هم عليه من احباط وسخط ، كفانا عبثا بقرارات تحطم امه باكمالها كلام من …..القلب .
