مع 1000 سلامة يا شهيد
يالى مسافر على السما
ملعون أبو الإرهاب البليد
اللى ميعرفش غير العمى
باب السما مفتوح
مبروك عليك الجنة
روحيا حبيبى روح
مع الملايكة اتهنى
مك مش زعلانة عليك
لو كنت شايل همها
أمك فرحانة بيك
لأن الشهيد ابنها
تسلم و تسلم البيادة
يا ابن أعظم جيش
فعلا مصر ولادة
تعيش يا حبيبى تعيش
أنت قدمت روحك بدالنا
راجل و متعرفش الخوف
فعلا ربنا ادالنا
رجالة أقوى من الظروف
دمك مش هيضيع هدر
يالى رايح و مودعنا
عارف لو يتكلم الحجر
يقولك على وجعنا
مهما ان كانت النار
مش هنسيب حقك
لازم نرد التار
لازم نبرد قلبك
دمك مش هيروح بلاش
مهما ان كان التمن
عاش البطل عاش
اللى فداه الوطن
ملعون أبو الإرهاب
اللى مالوش دين
ملعون أبو الكلاب
اللى بتقتل المصريين
فى نهاية كلماتى
فى آخر حروف القافية
أهديك يا شهيد سلامتى
بكل عزيمة و عافية