مقتل شاب يدعى عادل لطفىي يبلغ من العمر ٣١ سنة
يعمل فى مؤسسة انا المصرى بقرية طوخ على يد أمين شرطة يدعى أيمن حسين سليم
القصة بالتفصيل كما رواها شاهد عيان
اللى حصل انه القاتل كان بيمنع موظفين المؤسسه من اداء عملهم وهو تجميع الاقساط الموظفين ( 2 بنات و2 شباب )
لان مرات القاتل كانت من اللى عليهم اقساط وقبل ميوصلوا لبيته عشان يطالبوه
وفى حاله تكرار للتصرفات من قبل كده
سبهم واتعدى عليهم بابشع الالفاظ وقالهم مش هدخل حد البلد تانى !
عادل سمع السباب والتعدى وهو بيكلم الموظفين
لانه مدير فرع
فنزل يشوف اللى حصل
وراح للقاتل بيراجعه فاللى حصل وبيقوله عيب زى اخواتك ودول بيعملوا شغلهم
قام زقوا بمنتهى العصبيه واتعدى عليه وطلع هو ومراته بسكاكين
احد الموظفات ربنا حماها ومتأذتش
بس عادل جت السكينه فى قلبه
– اتنقل لمستشفى الجامعه وراح للى خلقه مكملش نص ساعه واتوفى .
امين الشرطه راح يعمل محضر ان عادل اتحرش بمراته وعشان كده هو قتله !!!!
الشرطه مُهتمه والقيادات واحنا فى النيابه حاليا .
والمرحوم فى الطب الشرعى
الحق لازم يرجع لاصحابه
الصلاه فى المطرانيه الكاثوليك الساعه 6 بعد انتهاء الاجراءات
دى كل التفاصيل معنديش اكتر من كده
ودى الحقيقه ارجوكوا بلاش كلام زياده او ناقص
ادعوا لاخوه واهله بالصبر والرحمه
ربنا يتولاهم ويصبرهم فى مصيبتهم
عادل انسان مسالم وطيب لابعد الحدود
#عادل_لطفى عنده 31 سنه – مفيش فى حياته غير الرياضه والجيتار وشغله
