احنا في زمن الترند..

محمد السيد طبق

الترند هو في الحقيقة تفاعل منك انت تجاه محتوي هتتحاسب عليه.. مطرب خامورجي بيغني ومعه رقاصه عريانه بيحقق شهرة كبيرة وفلوس ملهاش حصر… رجل معندوش ذرة مبدأ بيمثل دور مظلوم على باب محل كشري وبيكسب تعاطف واهتمام ناس كتير.. وبعدين يظهر كأنه نجم مجتمع فظ غليظ معندوش مانع انه يصور فيلم بورنو علشان المكسب والشهره..ست بتعمل روتين يومي لوحدها او معاها النطع جوزها وهي لابسه شفاف ومصدره اللي بالي بالك وقاعده تتقصع بالكلام علشان الفلوس واللايك والشير

بيوت بتتكشف بحجة الأكل والطبخ والغنى والرقص وهي اللي ربنا امر بأن لا تكشف ابدا واسمي تلك البيوت بالعوره…. لايك لسما المصري وبتاع الكشري واللي بيغني انتش وأجرى واللي منقوع في بحر بيره واللي بيسب المله والدين واللي بيكشف ستر الناس واللي أصبح ديوث بيكشف ستر بيته وبيشغل عياله الصغيرين علشان ترند وفلوس ومال….

وفي النهاية لا يصح الا الصحيح ولا يبقى الا قانون الله النافذ مهما فعلت…فيسقط مجتمع الدعارة والفجر ويسلط عليه الفاقة والغلاء والأوباء والأمراض وتأتي نهاية هؤلاء الذين كشفوا عورات بيوتهم بالأنفصال والخراب والفقر وينتهي ذلك الفنان وتلك الفنانه حتما ولا محالة وهي تتوسل معونة من نقابتها او علاج على نفقة الدولة.

وتبقى انت بذنب ذلك التأييد تحاسب عليه كمفسدا في الأرض شاركت بكل ذلك الخراب والفساد والعار وتفاجأ يوم القيامة بجبال من السيئات تمحي عملك وتحاسبك على كل مثقال ذرة من شر ارتكبت..

فاللهم جنبنا الفتن ما ظهر منها وما بطن وارزقنا رزقا حلالا طيبا وبارك لنا فيه واجعلنا من عبادك الذين اغنيتهم بحلالك عن حرامك واكفيتهم بفضلك عن هم سواك…

ولا حول ولا قوة الا بالله العلي العظيم