شهادات ب25 % لأجل سنة أو بعائد 22.% تصرف شهريا.شهادة إدخار أم شهادة البحث عن الدولار.
كدا إنت حرفيا بتقتل الاستثمار في أي حاجه ولو انت عندك أرض زراعية ولا مصنع ولا حتى جاموسة أو كشك سجائر روح بيعهم وحط فلوسك في البنك وخد 25 % وأنت قاعد مئنتخ… والحكومة موش خسرانه حاجه هتطبعلهم شوية فلوس وهتديك الريع واشرب بقى ارتفاعات قياسية للأسعار اللي طبيعي هترتفع نتيجة الطلب الكبير عليها والنقص اللي هيحصل فيها
تقريبا لما بتلاقي فايدة عاليه لبلد ما بتنتجش حاجه.. بيكون دا هو أول طريق للافلاس… لأنك موش روسيا سيادتك… ولا أنت حصلت روندا اللي كانت تحت التراب.. وفى بلد بيدور علي الدولار ومصمم أنه يجيبه بالعب العيال والحركات اللي ميعملهاش غير الصغار بتعويم الجنية وبرفع الفايدة لازم نقول تاني ان اجراءاتك دي موش هتخللي اي مستثمر يجي يحط عملة صعبه عندك ويفتح مشاريع ولا هي اجراءات هتخللي المواطن اللي معه دولار محتفظ بيه أنه يبيعه ويشتري الجنيه بتاعك اللي خسفت بيه الأرض…
ارجوك افهم وبطل لعب عيال وبيع في أصولك اللي بتكسبك دهب وأعرف انك محتاج تدعم الفلاح وتخلق مشاريع انتاجيه حقيقية تعملك اكتفاء ذاتي فتوفر عمله صعبة بتشتري بها اكلك وتصدر الفائض منك فتجيب عملة صعبة تسندك بجد.
تحرير نقلا عن الأهرام الكندية
