النفاق الفني

طبعا موافقة جدا لأي عمل فني ضخم بحجم قامات الشخصيات الدينية والرموز الوهابية والداعشية العظيمة اللي قطاع مهول من الناس مقتنعين بأفكارهم وتمثلهم تماما

لكن بشرط واحد ودا للمصداقية وللتأريخ ..أن يكون العمل بشرف ولو لمرة واحدة في حياتكوا

يعني ترجموا أقوال وتفاسير العلماءالعظام دول لأفعال تمت على أرض الواقع من كراهية وأعمال إرهابية وتخلف وتعسف وانتهاكات مبتذلة مازال يعاني منها أقباط مصر الأمرين

دا غير اللي عملوه من قهر وقمع لستات مصر العظيمات وتدمير كامل لزينة شباب مصر ومش هاتتعبوا خالص كل الأحداث متوفرة وموثقة صوت وصورة

وضروري تركزوا أوي على الحدث الفضيحة بانتزاع الطفل شنودة من أبويه تأكيدا لشرعنة البلطجة بالفطرة وعلشان الناس تحترمكوا غير كدا تبقوا مكملين مسيرة الكدب في ترسيخ مبادئ الإرهاب القويم

خلوا عندكوا شوية ضمير في النفاق مش أكتر ..

تحرير نقلا عن الأهرام الكندية