اجراس الكريسماس بتضرب و معاها اجراس السنين و افتكر احلامي و اضحك .. انا جبت الخيال ده منين و بكرة الصبايا تضحك .. لما تقرب ع الاربعين كنا فاكرين الحب باقي و الاهل دايمين اتاري الدنيا شايله ما بين طيات السنين اخدت حبايب منا و خبت حقايق عنا .. بس احنا كنا لسه صغيرين … كنا فاكرينك يا حب باقي و كنا بنحلم بالتلاقي متشكرين يا دنيا علي دروس تسوي ملايين و اللي مخبياه يا دنيا بكرة تكشفه سنوات الاربعين سنوات نضج لكن … لسه فينا مشاعر تشبهنا و احنا صغيرين ….
