بعد إعلان ترشح ا.خالد على ..والفريق سامى عنان …. وقبل الجميع رئيس الجمهورية السيسى انا صوتى هحطه فى ظرف وابعته بالبريد لوزرارة الداخلية توفيرا للوقت والجهد والمصروفات وللاسباب الآتية اولا…. انا مواطن غلبان عندى عيال وعاوز اربيها ثانيا…يوم الانتخابات لو رحت هتهمونى انى منتخبتش الرئيس وهبقى خائن وعميل لو مرحتش هيتهمونى انى مقاطع وبالتالى مخرب وهدام العملية الديمقراطية وعاوز اولع فى البلد ومن بتوع 25خسائر واحتمال البس قضية بانى كنت يتاجر فى المخدرات ثالثا…لو رحت انتخب زى مخاليق ربنا هيطلع المسيحين وهيتهمونى انت انتخبت سامى عنان أحد المشكو فى حقهم والمطلوب للتحقيق معهم فى قضية ماسبيرو واكيد وهيشتمونى هيشتمونى ..رابعا …لو رحت انتخبت هيتهمونى انى انتخبت خالد على اللى متهم بإخراج صباعيه الاوسطين للنظام ..فهيسيبوا خالد على وهيتهمونى انا بارتكاب فعل فاضح فى الطريق العام وربما تتطور التهمه فيتهمونى بأنى اخوان وبقلب نظام الحكم خامسا…لو رحت انتخبت هيتهمونى بقضية ازدراء الأديان آه ازدراء الأديان لأن الانبا بولا طبعا كما فعل سابقا وذهب وعمل مؤتمرات حشد لقائمة حب مصر وبالتالى وممكن يعمل كده تانى فلو رحت انتخبت هيتهمونى ان مسمعت كلام نيافته وهيطلع اولاد الحلال وهم كثيرين وهيعملولى قضية ازدراء المسيحية لمخالفة طاعة نيافته ..سادسا…الحل من الان ابعت صوتى فى ظرف مغلق لوزارة الداخلية . ..واقول فيه يا سيادة القاضى احنا ناس غلابه وملناش فى الموضوع ده واحنا يابيه من ايدك دى لايدك دى ..وأنا ياباشا مليش خالص فى موضوع الانتخابات اللى تعوزه الحكومه يابيه هو الحلال بعينه على الجامع والكنيسة والمعبد والدنيا كلها ..والسلام ختام ..سلامات عليكوا ..اشفكم بعد الانتخابات ياباشا ..انا بره الجيم من أوله
