الشاعر صفوت فريز يكتب قصيدة ” مش ها تعود”

الشاعر الغنائى صفوت فريز
مش ها تعود
مش هاتعود الدمعة المرة
مش ها تعود
مش هاتعود وبرغم القسوة
ماليها حــــدود
بكرة اكيد يتغير حالنا
والاحــــلام تحلى وتصفالنا
مهما ضعفـــــنا
ومهـــــما أسيــــــــنا
نرجع تانى نقول خطاوينا
كانت جوا طريق مسدود
ومش ها تعود
الايام بكرة تنسيــــــــنا
كل دموع كانت فى عنيــــــنا
فكرك يعنى الدنيا بحالها
مافيهاش كانت دمعة حزينة
وصبحت فرح مالوهش حدود
ومش ها تعود
مش راح يبعد ابدا بكرة
ولا راح يصبح كلمة ذكرى
نقولها ف لحظة هانندم فيها
زى زمان يوم ماتصورنا
ان الحلم ما يوفى وعـــــود
ومش ها تعود
ياللى قولتوا عن المستقبل
وردة جميلة ويمــــكن تدبــــل
قالو ا زمان لو دبل الورد
تفضل ريحتة ولونة ف الخد
يمكن بكرة الحــال يتغير
والاحســـــاس الدافى يعــــود
ومش ها تعود

التعليقات

أخبار ذات صلة

صفحتنا على فيسبوك

آخر التغريدات