بقلم عبير حلمى
هناك من يلوم الرجال علي تصرفاتهم في اهتمامهم بصور النساء علي الفيس بوك …….
وده بيعمل خلل في البيوت المصريه ……
وبعد ما الرجل يري الفاتنات الحسنوات علي الفيسبوكات….
بجمالهم البارع وصورهم الأنيقه يقلب علي مراته…….
اللي طفحه الدم مع العيال………
وناسيه نفسها من اجل اهتمامها بيه هو( من أكل وشرب وغسيل هدومه ….الخ)
ومن اجل عياله الحلوين ( تعليم ومذاكره وخلافه) …….
وفي اخر اليوم مش قادره تقوم تغسل وشها حتي ……..
بصراحه عنده حق (يبص بره)…….
بس بدل ما نلوم عليها ونقول عنده حق وهو المظلوم …..
هنقوله حاول تساعدها وتشيل الشيله معاها ……
ممكن تخليها ملكه وهتبقي احلي من #مارلين_مونرو
و بدل ما نلوم الرجاله انهم بيمصمصوا شفايفهم وانهم بيقلبوا علي مراتاتهم …..
وان الراجل بيندب حاله وحظه لما يشوف ست حلوه ومهتميه بنفسها كده ……
نحب ننصح الستات الحلوين
خليكي ذي دول كده…….. (الستات الحلوين)
اهتمي بنفسك لنفسك اولا مش لجوزك وبس……
وخليكي كده علطول جميله ونظيفه وجذابه……..
لنفسك برضوا قبل ما يكون للناس و المجتمع ……..
واعتبري دخول جوزك عليكي البيت ان في ضيف جاي يزوركم………
واهتمي بهذا الضيف فهو مسؤليتك……..
#صدقوني
ساعتها نصف الرجاله هتقفل اللي اسمه الفيس بوك ده …….
وبكبيره هيهتم بالاخبار والكوره وبس …..
ومش كده وبس ده كمان الرجاله بجد……..
هيتفننوا في إسعاد زوجتهم اللي مهتمين بحالهم من اجل انفسهم اولا ثم ازواجهم ثم عائلاتهم ثم مظهرهم الاجتماعي قدام الناس ………
اصل الحلال مفيش احلي منه………
اهتمي بنفسك…..للأنوثه عنوان
وانت اهتم بيها وساعدها خليك راجل بجد…….
والكلام لك برضوا تهتم……
بنفسك …شكلك …مظهرك….
ريحتك…..اسلوبك …اخلاقك ….
صوتك الحنين ….السخاء والعطاء دائما………
هتبقي الراجل المثالي بجد
