الانبا مارتيروس يقدم نصائح للشباب فى ايام الامتحانات

نيافة الانبا مارتيروس

أولاد ثانوي واعدادي مخنوقين .. عاوزين حرية .. يعني بلاش إمتحانات .. يعني بلاش نكمل .. علشان إتخنقوا .. دا كلام برده؟؟ .. بلاش تبقوا ذي الأطفال الصغيرين عاوزين تجروا وترمحوا .. من غير ماتكملوا أهم أيام في السنة وهي أيام الإمتحانات الأخيرة .. هل ينفع أنك تتعبت طول السنة وبعدين تنزل علي مفيش .. المفروض إنك تصبر شوية علشان تدخل الإمتحان .. وإنطلق براحتك بعد كده .. وهتكون ناجح أكيد ..إنت بتحدد مستقبلك من دلوقت .. هيكون شكله إيه؟؟ ..

خد بالك إن أحلي أيام في السنة هي أيام الإمتحانات !!! لدرجة إن مصر كانت بتعمل إحتفالات للتلامذ والطلبة علشان تشجعهم وترفع من روحهم المعنوية .. وكان موسم الإمتحانات كله إحتفالات .. وكان الملك والوزراء بيحضروا الإحتفالات .. انا عاوزك ماتخافش .. خلي عندك ثقة في نفسك انك هتنجح .. إثبت لنفسك أنك هتتحمل المسؤلية وإثبت لنفسك أنك ذاتي الدفع .. يعني هتدفع نفسك للنجاح .. أنت معاك المسيح يسندك .. والقديسين بيحبوك .. وهيكونوا معاك .. علشان هما عارفينك .. وهذا الإمتحان ذي أي إمتحان ماتخافش .. إتعلم ضبط النفس يابطل .. السيد المسيح نصح تلاميذه قالهم إسهروا ولكن ناموا ولما جه الجنود .. قاموا فروا وهربوا خايفين .. لانهم مش مستعدين .. أنا عاوزك تستعد بقوة ربنا و بالتركيز .. في هدوء .. عاوزك تذاكر بحب وفهم .. أقعد في هدوء ورتب مكانك .. و إعمل المشروب إللي بتحبه .. والفاكهة جنبك .. وإعمل تمارين لتنشيط جسمك .. هتلاقي عقلك ينشط .. وركز في المفيد إللي تتوقع يجي منه الإمتحان .. إوعد نفسك بالمكافئة .. أنك هتخلص وهتطلع رحلات .. وهتكون مع أصحابك في الكشافة والمسرح .. وهتروح الدير خلوة .. وتبقي في حرية في الأجازة بتاعتك .. ولكن مش بعد ما تؤدي واجبك .. وتأخذ إحترام الناس ليك .. ياريت الأهالي متعصبش الأولاد .. ولكن يشجعوهم .. ويعيشوهم في بهجة النجاح .. وفرحة العبور لسنة جديدة .. لازم نساعد اولادنا ونفرج عنهم .. دول مخنوقين .. عاوزين هوا ..

التعليقات

أخبار ذات صلة

صفحتنا على فيسبوك

آخر التغريدات