صداقه من نوع خاص

عبير حلمي

صداقه الأزواج……. نعم 👀

صداقه الأزواج أذاي دي بقي؟؟؟؟

متستغربوش ………. كده

دي لازم تكون موجوده علشان
الحياه يبقي ليها طعم خاص جداااااا…..طعم حلو

اه طعم حلو للحياه ….💖💖💖💖💖

ياتري تعرف تكون صديق حقيقي لزوجتك ؟؟؟؟؟؟

وأنتي ياتري تعرفي تكوني صديقه جدعه لزوجك ؟؟؟؟؟

يا تري ممكن تكون بينكم حاله فريده من نوعها …..

وهي الصداقه بعد الزواج …..

كثيرررر بتبقي قبل الزواج بس….

ومع الزواج الموضوع خلاص ….بخ …….

هل ممكن تكون صديق لزوجتك ؟؟؟؟؟؟؟؟

اللي!!!!!!!
بيسمع لها كويس اووووي
وينصحها مش يؤمرها
ويشجعها مش يحبطها
ويغازلها وكأنه لسه خطيبها
ويروح ويجي معاها
من غير نكد
و من غير غيره تمرر حياتها
ويبقي حنين كده وجدع زي ما كان زمان

وتعرف تكون دمك خفيف وابن نكته
زي اول مره شفتها وقررت توصل لقلبها

و(وصلت وقدرت وعرفت )

وفعلا حبيتك واختارتك علي امل انك هتفضل كده …..
…………….يا حرااااااام

وانتي يا تري تعرفي تكوني
صديقته ؟؟؟؟؟
وامينه اسراره ….
وصحبته الجدعه اللي تعرف تضحكه….
مهما كان مهموم او زعلان او مكتئب…..

وتخرجه من الحاله دي !!!!!

ذي ما كانت بتعمل كده علطول قبل الخطوبه كمان ……

تعرفي تكوني احن عليه من اقرب ماليه( من نفسه)

كما كنتي زمان قبل ما تبقي خلاص ملك إيده …

تعرفي تكوني ملكه متوجه علي قلبه وصديقه عمره (وده بإيدك)

تبقي اللي حلم بيها واخيرا لاقاها واختارها
و(فضلها عن الباقيين )

تعرفي تستحملي ضعفاته… وتنصحي له من غير غضب وحزن وبكاء وتقوليله انت بقيت بتكرهني يلا بقي طلقني !!!!😰

(يا تري ممكن نبقي كده في بيوتنا ونغمرها بالحب والصداقه الحقيقه وبالضحك والخروج والفسح من غير هم ونكد )

وبأقل المصاريف حتي لو بس اتمشنا علي الكورنيش اصل السعاده مش بالفلوس !!!!!!!!!

(يا تري نعرف نكون كما كنا زمان قبل الدبلتين والأسوره اللي هي اصبحت لجام وقضبان وسجان )

هي دي( الصداقه الحقيقه) اللي بتعمر البيوت……

وتفتح القلوب وتبقي اكسير للحياه ……

تحيات صديقه مخلصه💜💜💜 بنصيحه من القلب!!!!!!!!!

كن صديق لها 👫

كوني صديقه له 👫

تعيشوا ………..احرار من قيود الزواج
هتفضلوا …….عشاق طول الزمان
الصداقه ……هتجمع ما بينكم اكثر من كوم من العيال

(تعالوا نخلي شعارنا اصدقاء للابد )

هي دي الصداقه ولا بلاش …

مناجاةالروح …….للروح والوجدان

(تعالوا نعيش ………الحياه )

بقلم /عبير حلمي
#Abeer_Helmy
#صفحه_مناجاة_الروح

التعليقات

أخبار ذات صلة

صفحتنا على فيسبوك

آخر التغريدات