أمل فرج
هاجمت المخرجة إيناس الدغيدي، ارتداء الحجاب، معتبرة إياه نفاق اجتماعي وتقليد ومصالح اقتصادية بعيدًا عن الدين، معقبة: “بنات جيلنا مكنوش محجبات، ودلوقتي الحجاب وصل لجيل بناتنا”.
وقالت “الدغيدي” خلال حوارها ببرنامج “الناس العزاز” على راديو “drn”، اليوم السبت، إن الجماعات الإسلامية سيطروا على طبقة معينة من الشعب، وأرادت أن تبرز صورة منغلقة عن المرأة المصرية، وتابعت: “أيامنا مكنش في نفاق اجتماعي وعقد جنسية، وأنا كنت بلبس ميني جيب، ولما ماما اشتكت، بابا قالها طالما كل البنات لبسين كدة يبقى مفيش مشكلة”.
وأضافت: “أنا مش زعلانة من الطبقة الفقيرة لأن عليها ضغوط واتعملها غسيل مخ، أنا زعلانة من أستاذة الجامعات المحجبات اللي هي المفروض متعلمة ومثقفة”.
