ازنيف صبحي تكتب عزيزي المواطن قلبي عندك

ازنيف صبحى
الكل في حاله ترقب . أصبح ارتفاع الأسعار الكابوس الذي يؤرق البيت المصري.اصبحنا نسمع عن حوادث لما نسمع عنها من قبل .بسبب ارتفاع الأسعار .تري رب الاسره بعد ارتفاع الأسعار الذي دمر الكثير من البيوت المصريه .واوقع الكثير والكثير من الشعب تحت خط الفقر .لما يعد رب الاسره يستطيع أن يوفر متطلبات بيته وأولاده .المرتب ثابت والسلع في ارتفاع مستمر .وما يثير دهشتي حقا من تصريحات بعض الأشخاص المستفزه. والتي تثير غيظ الفئه المعدمه والفقيرة التي تحصل علي قوتها اليومي .فمثلا عندما يئن رب الأسرة الفقير ويشتكي أو يحاول أن يفضفض من العبء الذي كاد أن يطبق علي أنفاسه من الارتفاع المستمر للأسعار. تجد من يقوم بمهاجمته بطريقه شرسه ولا يعرف من يهاجمه كم المعاناه التي يعنيها هذا الشخص.لسد احتياجات أسرته اليوميه مش الشهريه.هل سمعتم من قبل حاله انتحار واحده بسبب ارتفاع الأسعار .للأسف كل يوم حاليا اسمع حوادث كثيره ومتكرره من هذه النوعية ولا حياه لمن تنادي.اللي ينتحر ينتحر خلي الشعب يخلص.للاسف الحكومه ماشيه بمبدأ اخبط رأسك في اتخن حيطه .ايه يعني لما الف ولا ألفين ينتحروا لعدم قدراتهم علي توفير قوت أولادهم. حقيقي حاجه فعلا تحزن.ويطلع واحد فزلوق يقولك يعني ايه انتوا مش عايزين البلد تطلع لقدام .والنبي عايزينه تطلع لقدام بس بلاش تغرقنا وهي بتطلع لقدام.كميه المتسولين اصبحت كثيره جدا وبشكل ملحوظ والواضح أن قريبا جداااا سوف نمتهن جميعا مهنة التسول .ولكن السؤال بقي ؟
انا عايزها تقف علي حيلها وتبقي احسن بلد في العالم بس تبص للناس التعبانه بدل ما نتفاجي ان البلد وقفت علي حيلها ومفيش شعب لأن الشعب بينتحر.علشان يخلص من الحمل اللي طابق علي نفسه .الرحمه حلوه ياحكومه. الرحمه حلوه يا بلد الناس بتخلص. في الأيام القليله الماضيه لحظت ظاهره تدعوا الي وقفه وتفكير .الشعب في حاله غريبه جدا كله تحس كأنه مخبوط علي رأسه .ماشي متبرمج أصبح انسان الي.همه يخلص ساعات عمله ليحصل علي مرتبه في نهايه آخر كل شهر.وممكن يلجأء للسرقه أو الرشوة أو الاختلاس .ما خلاص بقي انت قفلت في وشه كل أبواب اللي ممكن يحسن بيها داخله وحياته .يعني هاضربلكم مثل رب اسره معاه ثلاث اطفال .وشغال باليوميه . ومع ارتفاع تذاكر المترو .سبعه جنيه رايح وسبعة جنيه راجع .هو باخد كم سبعه جنيه علشان يقدر يكمل قوت أولاده الصغار .لو بقي مكانك انوا في مدارس وحد تعب وعايز دكتور وبعدين علاج ياااااااااختييييييييي. ديه مصيبه تانيه غير بقي كراسة أو قلم غير الأكل
عزيزي المواطن المصري قلبي عندك.ربنا يعينك

التعليقات

أخبار ذات صلة

صفحتنا على فيسبوك

آخر التغريدات