محمد عطية يكتب تحية واجبه لعامل التجميل

محمد عطية

الابن / الزبال بتاع الزباله بيخبط على الباب
الاب / لا يا حبيبى دا مش اسمه الزبال و لا بتاع الزباله
الابن / ازاى يا بابا دا هو اللى بيعدى كل يوم علشان ياخد الزباله بتاعتنا
الاب / تمام يا همام هو فعلا اللى بيشيل الزباله من عندنا
الابن / تقصد ايه يا بابا
الاب / يعنى احنا اللى بنجمع الزباله و هو اللى بيخلصنا منها صح ولا غلط
الابن / صح يا بابا
الاب طب لو مخاش كام يوم ورا بعض ايه اللى هيحصل
الابن / يااااااااا دا المطبخ هيتملى زباله و الريحه هتبقى وحشه اوى
الاب / يبقى الراجل ده مهم ولا ايه رايك
الابن / دا مهم جدا اوى خالص …تصدق دا دوره مهم جدا يا بابا
الاب / فعلا مفيش عمل عظيم و عمل وضيع
الابن / مش فاهم قصدك
الاب / يعنى العمل البسيط لو صاحبه عمله صح بيكون عظيم و مفيد
الابن / صح يا بابا
الاب / يبقى متقولش عليه زبال تانى
الابن / طيب اقول ايه يا بابا انا بصراحه احترمته جدا لانه بينظف و يجمل اى حته بيكون فيها
الاب / برافو عليك اسمه اللى المفروض يكون هو عامل التجميل
الابن / تحيه لعامل التجميل اللى بعمله بيخلى المكان الوحش جميل

التعليقات

أخبار ذات صلة

صفحتنا على فيسبوك

آخر التغريدات