مؤسس حركة شباب كريستيان يكتب ” حريق الكنائس الي من يهمة الأمر “

#حريق_الكنائس !! كلمتين و بس :- هقول كلمتين و اللي عاوز يهاجم يهاجم و اللي عاوز يزعل براحتك . قعدت أتأمل الفجر في حدوتة حريق كنيسة شبرا الخيمة و كم الخسائر المادية من خشب و و و إلخ. و غيرها كتير قبل كدا بسبب انفجار محول أو ماس كهربائي علي حد تصريحات السادة الآباء الأساقفة الموقرين ! طيب ايه دا يارب انت مش قادر تحمي بيتك ! و ليه تسمح بكدا ! في نفس لحظة التأمل و حديثي و عتابي مع الله حضرت إجابة في زهني بتقول دى فلوس ولادى اللي مأخدوهاش .. دى فلوس احباء يسوع اللي مهتمين بالمباني و تاركين نفوس اولادى جائعين. مرضي . بائسين. أيتام . أرامل . دى فلوسهم . تاني هاعيد و أقول اسمعوا عظة البابا شنودة الأسد المرقسي و هو يوبخ لفيف من الآباء الأساقفة الموقرين أثناء العظة و ينظر إليهم و يقول لهم يعني اية تقول لحد طلب منك مافيش فلوس ! طول ما بتقول مافيش هيبقي مافيش فعلا . يعني اية يجيلك حد طالب مساعدة و طالعين في نغمة أصل دا مش تابع للمنطقة بتاععنا ! هو ربنا عندة مناطق ! يقولك أصل ممكن يكون كذاب و مش محتاج و انت مالك اصلا كل من سألك اعطية .. و قال اخيرا قداسة البابا شنودة لهم هذة العبارة ” طول عمرك عايش تخدم بيت ربنا بناء و أنشطة و و و إلخ فمتي ستخدم رب البيت “! منتظرين ربنا يبعت علامات و رسائل و عناوين عريضة واضحة اكتر من كدا اية تاني ! مره و اتنين و عشرة !!! اسف لو الكلام بيوجع لكن دايما الحقيقة مره و بتوجع . #يارب_نفوق_يا_آباء . مؤسس و مسئول حركة شباب كريستيان للأقباط الأرثوذكس. مهندس / نادر صبحي سليمان Nader Sobhy Soliman.

 

التعليقات

أخبار ذات صلة

صفحتنا على فيسبوك

آخر التغريدات