زمن العجايب !!!!!!!
…………………………………….
زمن العجايب والكل كده ماشي في غيبوبه غايب
غايب عن وعيه …غايب عن ماضيه
اما حاضره اللي هو عايش فيه …
بقي في غيبوبه غايب
لو سألته سؤال هتلاقيه …
يجاوب كده في الحال!!!!
والأجابه من السؤال ملهاش محل من الأعراب !!!!
يعني تقدر تقول …ايجابه ودور انت بقي علي السؤال ؟؟؟؟
اصل عم الأفندي ماشي مسطول
من غير حشيش ولا مخدرات
ولا حتي ريحه دخان ……
طيب منين يجيب الدخان ؟؟؟
ده الجيب المليان فاضي من زمان…..
والأفندي المسطول اتسطل بس من الكلام ……
ما هو في غيبوبه قبل الأوان بأوان ……
بقولك الجيب المليان …فاضي من زمان
هو انا لازم اكرر الكلام ….
ولا السطل أصبح آفه العصر والأوان……
ده احنا بقينا في زمن العجايب !!
والكل حقيقي في غيبوبه غايب
ياتري فين ضحكته ….
اللي كانت دايما صحبته
ضحكته اللي كانت لا تفارقه في يوم ….
ولا من غيرها ممكن ابداااا تعرفه ….
بقي الحال غير الحال …وهنا اتبدل كده اووووام الكلام ..
واصبح الأفندي المسطول…..
اللي هربان من نفسه علطوول
هربان من زمنه ….
هربان من يأسه ….
وبقي السطل له عنوان …..
الزمن جه عليه ….
فضي الجيوب مش بأيديه !!!
آه من الغلا !!!! واللي عمله فيه؟؟
خلاه بقي يشبه المساطيل
خلاه في غيبوبه غايب ….
ما احنا بقينا صحيح في زمن العجايب !!!!!
