مفيش فُرصة بلا داعي ولا وجِهة بلا عنوان ضمان الجايزة للسَاعي وندب الحظ للكسلان تقول ده بعقلي ودراعي ورب بيُرزق الشقيان ده حتى لو مفيش مَنفذ أنا هخلق لنفسي مكان مفيش شاطر بِلا أهداف ولا ناجح بدون تخطيط ولازم يبقى لف وشاف وشبعان ف الحياة تخبيط ومن كتر ما خاف واثق بإن إللي يخافها عبيط وعارف إنها حربه مدام حارب يكون كسبان مفيش فُرصة بلا داعي ولا وجِهة بلا عنوان ضمان الجايزة للسَاعي وندب الحظ للكسلان حلولك بنت أفكارك وكل فكر له تأثير ولو دارس حدود كارك.. هتفرق فالنهاية كتير هتوصل للي تستاهله وحلمك مهما شوفته كبير مدام الخير ملك قلبك وفاتح للمحبة بيبان مفيش فُرصة بلا داعي ولا وجِهة بلا عنوان ضمان الجايزة للسَاعي وندب الحظ للكسلان
