عبير حلمي تكتب / صعبت عليا نفسي

قعدت مع نفسي افكر شوية
لقيت نفسي كده صعبت عليه

سألتها واخده علي خطرك ليه
ردت من ظلم كل اللي حواليا

قدمت حب كثير من غير تفكير
ظننت أنه سيرد أكثر منه بكثير

خاب ظني وخانوني حبايبي
كسروا نفسي ووجعوا قلبي

بكيت وقولت العوض عندك
أصلي ملقتش من هو يشبهلك

فصعبت عليا نفسي
لكن بيني وبين نفسي

أصبحت الحياة علي طول مرة
بظلم من كانوا هم أقرب الأحبة

طبطبت علي نفسي وقولتلها
أفتخري بنفسك بقيتي شبهه

جرحتي في بيت أحبابك
أما هو في الجرح سبقك

والمجرب يقدر يعين المجربين
دا كلامه علشانك ووعده الأمين

خلاص افرحي يا نفسي
هو سندك الوحيد والأكيد

عنده مافيش مستحيل
ودوام الحال من المحال

وده بقى أكيد

بكره يغيرلك كل الأحوال
بكره يحققلك كل الآمال

بكره الماضي يبقي في خبر كان
ونرجع زي ما كنا حقيقي زمان

طبطبت بسرعة علي نفسي
وقولتلها ولا يهمك يلا أبتسمي

التعليقات

أخبار ذات صلة

صفحتنا على فيسبوك

آخر التغريدات