الشاعر صفوت فريز يكتب ارضك يامصر

الشاعر الغنائى صفوت فريز

 

وأرضك يامصر إتكلمت

بدم الشهيد إتعلمت

أة يابشر

ياللى قلوبكم من حجر

قلبى على إبنى إتعصر

مجروحة منكم والشجر

عطشان لمية تمحى هم

وانتوا اللى دايما يابشر

راويين شجرها تملى دم

فاكرين كدة الشر إنتصر ؟

لا يابشر

دا الحق راجع

وطعم المواجع !!

علم فى جوفنا وساب آثر

صحيح قلوبنا بتنكسر

على كل إبن مات شهيد

أيوة أكيد جوانا نار

وطعم العسل اصبح مرار

وموت ولادنا أكيد ً أمر

جوانا نار فى قلوبنا غم

وكل أخ وكل أب وكل أم

سالت دموعهم عالخدود

من غير حدود

لكن ياربى انت شايف

أنت اللى ساند كل خايف

فى الوجود

إنت اللى قادر حق كيــرو

فى يوم يعود

إبنى البطل

زينة الشباب ورد الورود

فوق الجبل

ومعاة رجال شبة الإسود

والحق راجع يوم أكيد

لو من قريب أو من بعيد

من الخسيس اللى إتعمى

ومن الأيادى المجرمة

وضربت جنود

اما الشهيد راح السما

إسمة إنكتب ف الملحمة

إسد الإسود

التعليقات

أخبار ذات صلة

صفحتنا على فيسبوك

آخر التغريدات