فى الذكرى السابعة لشهداء ماسبيرو شكرا يا دبابة وصلتيني للملكوت أزيك يا دبابة و عاملة أيه … يا تري فاكراني ولا نسياني أنا اللي أنتي دوستي عليه …كنت تحتيكي و دهساني أفتكرتيني ولا لسة … ولا ذاكرتك زيرو ولا أحكيلك القصة…بتاعت شهيد ماسبيرو أنا نزلت بكل سلمية… أطلب بحقي و أنادي وطني 100 المية… أنا مش من الأعادي فجأة لقيتني بنداس … مرمي تحتيكي مفرود عملت أيه يا ناس … ده حقي المفروض فعلا حقي مجاش … رغم علو صوتي أنا اللي في السما عاش… يا دبابة عدي تاني و فوتي يا دبابة أشكرك أزاي … أنك وصلتيني للسما اللي سايقك بكرة جاي … أسمه في الكره و العما يا دبابة حددتي مصيري … كتبتيلي أجمل نهاية أدهسي كام واحد غيري… يجي السما معايا شكرا يا دبابة شكرا يا دبابة… وصلتيني للملكووووووت أسمي أنكتب كتابة… أني مش في حكم الموت كلمات : محمد فتحي
