قال ابو هشيمة : قلت ولسة بأقول ان كل الناس في حديد المصريين أعضاء في أسرة واحدة، وأنا عودتكم إن أي حاجة تخصني برد عليها هنا بنفسي، الصبح جاتلي تعليقات ورسايل تخص الزميل حسام حسن، اللي كان موجود في مصنع إسكندرية، وحصلتله إصابة أثناء العمل أدت إلى بتر ذراعه.
فوراً سألت فريق العمل عندي، وعرفت ملابسات القصة كلها، وعرفت انها من 2017، وان من اللحظة الأولى الشركة تكفلت بكل مصاريف المستشفى والمرافقين والعلاج وصرف مبلغ التعويض لحسام، وبعد العلاج عرضوا عليه انه يستمر في المصنع في وظيفة جديدة تناسب ظروفه الصحية ويمضي على العقد الجديد بتاع 2018، وكمان يركبوله الطرف الصناعي.
حسام رفض العرض والتوقيع على العقد الجديد بتاع 2018، ورفع قضيتين على الشركة خسر واحدة والتانية لسه متداولة، وبغض النظر عن الكلام اللي كتبه حسام بعد كده ومكنش صح، أنا بقول لحسام ان حديد المصريين بيتك وأنا أصدرت بصفتي الشخصية أوامر انهم يجددوا عرض الشركة عليك وترجع على وظيفة تناسب ظروفك الصحية، ويركبولك الطرف الصناعي.
آخر حاجة حابب أقولها اني من أول مأ أسست حديد المصريين، وأنا بقول إني ببني أسرة مش بس شركة، أسرة كلها بتقف جنب بعض، ومبتتخلاش عن أي حد من أفرادها.
