جريمة يقف امامها الجميع فى زهول حيث لقيت زوجة تدعى نورا أحمد المزين، مصرعها على يد زوجها الذى أطلق عيارًا ناريًا عليها وأصابها فى الرأس أثناء نومها، أمام أولادهما بعزبة طوخ مركز السنطة بمحافظة الغربية،
وجاءت اعترافات الزوج في محضر الشرطة الذي حمل رقم 2388 جنح مركز السنطة بتاريخ 1/2/2021 بالواقعة كالتالى :
قال المتهم أمام جهات التحقيق، أنه في ليلة الواقعة حدثت مشادة كلامية بينه والمجني عليها داخل غرفة النوم الخاص بهما في ساعة متأخرة من الليل بسبب رفضة إقامة علاقة جنسية معاها لشعَورة بالتعب، فبدر من الزوجة بعض الكلمات قائلة “انت مش راجل”.
وأضاف المتهم في التحقيقات “انا كنت في الوقت دة زهقان، لأن من فترة كان بيجيلي دور تعب، بحس ساعتها بتعب إني مبعرفش انام ولااكل ولا أشرب، ومفيش انتظام في حياتي، وحاسس إني مش في وعي، وكنت بحس في وسواس بيكلمني ساعتها، انا رديت ساعتها وقلتلها ابعدي عني أنا مخنوق دلوقتي”.
وتابع المتهم، قالتلي انت مش راجل، وقامت تنام ووشها للحيطه، وانا فضلت قاعد جمبها على السرير شوية شربت فيهم سيجارتين، لمدة نصف ساعه وبعدها حسيت ان عنيها راحت في النوم.
وأضاف المتهم، لما اتأكدت أن عنيها راحت في النوم، روحت علي الدولاب بتاعي، ورحت جبت السلاح 9 ملي من الضلفة الخاصة بي، وحطيت طلقة فية وانا واقف، ورجعت تاني قعدت جمبها علي السرير، ولحظتها قومت ماسك رأسها باليدي اليمني، وقومت عادلها ناحيتي، وكان في أيدي الشمال الفرد، قومت حطيتة علي رأسها، وضربت طلقة في رأسها ساعتها “
