حلت الفنانة نادية الجندي ضيفة على الإعلامية أسما إبراهيم في برنامجها «حبر سري» المذاع عبر قناة القاهرة والناس، وتحدثت عن كواليس أعمالها الفنية وغيرها من الأمور في حياتها الشخصية، وعلاقتها اببنها الوحيد من الفنان عماد حمدي، وأيضاً كشفت حقيقة الخلافات بينها وبين الزعيم عادل إمام.
وقالت الفنانة القديرة عن علاقتها بابنها الوحيد هشام، إن عملها بالفن لم يؤثر على ابنها أبداً، لافتة إلى أنها كانت صارمة في تربيته: «بالرغم أن باباه نجم كبير ومامته كمان كدا إلا انه لم يكن متدلع».
علاقتها بالمنتج محمد مختار
وعن علاقتها بالمنتج محمد مختار قالت: «لولايا أنا لم يكن المنتج محمد مختار ناجح.. أنا ومحمد بنكمل بعض في شغلنا ونجاحنا».
وقالت نادية الجندي: «أنا زوجة مطيعة جدا في بيتي ومع جوزي ولازم أفصل شخصيتي في التمثيل عن شخصيتي في بيتي.. أنا لما اتعرفت على محمد مختار كنت أنتجت لنفسي قبل كدا 3 أفلام ناجحين جدا.. ودا كان مخلي حظه حلو معايا لأني دخلت وعلمته وصبرت عليه في الإنتاج».
واستكملت: «اديت لمحمد مختار كل خبرتي في الإنتاج ونجح بيها.. مليش دعوة محمد مختار عمل لرانيا يوسف فيلم ولا لأ.. هو المسؤول عن اختياره يعمل لمين فيلم وميعملش لمين هو فاهم كويس أوي الشخصية اللي قدامه».
وعن حقيقة حصول الفنان عادل إمام على ضعف أجره مقابل أن يكتب اسمها قبل اسمه في فيلم «خمسة باب» أكدت نادية الجندي أن هذا الكلام ليس له أي أساس من الصحة، قائلة: «اشتغلت أنا وعادل إمام بحب جدًا، ولا فرق معانا مين اسمه انكتب الأول».
وقالت: «عادل إمام ساعات ما بيبقاش عنده تصوير، ويجي يقعد معانا في البلاتوه، نقوله يا عادل، إنت معندكش النهاردة، يقول معلش أصل وحشتوني، وأنا جاي أقعد معاكم أتسلى، من كتر ما كان فيه بينا حب وود أنا وهو والعظيم الراحل فؤاد المهندس.. فيلم خمسة باب اتعمل بحب غير طبيعي، وعشان كدة طلع بالجمال ده».
لم أستفد من عماد حمدي ماديًا
وعن شائعات استفادتها من الفنان عماد حمدي ماديا، قالت بغضب: «هو عماد حمدي كان صاحبي؟! ده كان جوزي، يعني إيه استفدت منه مش فاهمة.. أنا لم أستفد من عماد حمدي ماديًا لأن كان عندي بوتيك أزياء، ولو استفدت منه مادياً إيه المشكلة ده جوزي».
وأضافت: «عماد حمدي أبو ابني، وبكن له كل حب وتقدير، ورجل عظيم وفنان قدير، هو أكبر مني بكتير أوي، لكن ده ما يمنعش، أنه أبو ابني وبينا عشرة، رجل مشفتش منه غير كل خير، وكان يحبني، وكل اللي بيتقال كدب وافتراء».
