قال الدكتور زاهي حواس عالم المصريات ووزير الآثار الأسبق: “في عام 2010 عدد السائحين في مصر وصلوا إلى 12 مليون سائح، وبعد ذلك توقف الطيران وأغقلت الفنادق بعد أحداث 2011”.
وأضاف خلال لقائه ببرنامج “نظرة” الذي يقدمه الإعلامي حمدي رزق بقناة “صدى البلد”: “احنا كمان كمصريين بنعمل حاجات بتضايق السياح، ويجب أن يكون هناك مادة دراسية للطلاب عن السياحة في كيفية التعامل مع السائحين، ومش ممكن واحدة ماشية في الشارع وحد يقرصها أو حد بتاع بزار يشد السائح غصب عنه أو بتاع التاكسي ياخذ 50 جنيهًا بدل 30 جنيهًا”.
إذاعة الأذان بمكبرات الصوت
وأكمل:”عجبني ابراهيم عيسي لما اتكلم عن اذاعة الأذان وليه ميتعملش داخل المسجد بس، مرة نمت في مينا هاوس وكان عندي محاضرة تاني يوم قمت على صوت الأذان بيزعج السياح ومفيش في الدين بيقول ان يبقى فيه إذاعة 70 أذان في وقت واحد بمكبرات الصوت، لازم الأذان يبقى داخل المسجد مش خارجي وأي حد متدين يقول إنه حلال نزعج الناس، إذاعة الأذان بمكبرات الصوت يزعج السياح والناس ولكن أنا عارف ميعاد الصلاة أروح المسجد وأصلي”.
