قال مسؤول شركة سيد حنفي، إن واقعة العثور على فأر داخل إحدى عبوات الكشري، حقيقية وحدثت منذ 5 أشهر.
حقيقة العثور على فأر داخل عبوات الكشري
وأضاف في بيان للشركة: مكنتش حابب أرد ومكناش كشركة حابين نرد علي المسرحية الهزلية اللي بتحصل وقصة الفأر المفبركة، لأن ببساطة واثق الخطي يمشي ملكًا والحمد لله على مدار 9 سنين عمل، الاهتمام بالجودة والنظافة في الأكل دي أمانة، لأن إحنا مسئولين عنها أمام الله أولا وأمام العملاء، ده ثانيا وأكيد نفس الأكل ده إحنا بناكل منه في شغلنا وفي بيوتنا.
وتابع: الموضوع وباختصار شديد، من 5 شهور تقريبا، حد شير بوست إنه لقي فأر في الطاجن، وتم اتخاذ الإجراءات القانونية ضده من 5 شهور وموضح كده فى الرسيت الموجود في البوست أنه من شهر 6.
وواصل: اللي مشير البوست مش صاحبة الأمر، وبتقول إنها اتعرضت ليه وهي مش طرف في الأمر.
واستكمل البيان: وكل يوم حد يبعتلنا على الفيس، ويتصل بينا على الخط الساخن يدعي أنه صاحب البوست، وعاوز تعويض وللأسف بيتم استغلال السوشيال ميديا في الشر والأذى والاشاعات اللي هدفها تدمير كيانات ليها حجمها في السوق والناس بثق فيها لكن في قانون قادر يردع كل المسرحيات دي.
محاولة لابتزاز مادي
وأوضح: عندنا إثباتات مسجلة لمحاولة الابتزاز المادي من الشخص الأصلي اللي عمل كده ومثبتة في محضر رسمي في مباحث الإنترنت، ومرفوع بها قضية تشهير وعشان كده صاحب البوست نفسه الأساسي، مسح البوست واللي عاوز تفاصيل للقصة كلها كاملة يتواصل معايا على الخاص عندنا كل الكلام المذكور ده.
وفي وقت سابق، نشرت البلوجر ندى الشافعي، عبر صفحتها الخاصة على فيس بوك، صور لعبوة كشري سيد حنفي، وبها فأر صغير، وقالت: ايه ده، عشان بجد تبطلوا تكلوا من بره تاني، أكل الشارع ده قرف، فار فالكشري انتوا متخيلين، لا حول ولا قوه الا بالله، لا تعليق، كشري سيد حنفي.
