كلمات أسامة فؤاد حنا
ما تيجى يا حبيبى نتصالح
ويا بخت من عفا وسامح
ده روحى وروحك ساكنين
جسم له نفس الملامح
نعيش فى سعادة وهنا … كاننا طايرين فى السما
وننسى الكلام الجارح
تعال ننسى كل الاحزان
وعقارب الوقت و الزمان
ونرجع تانى زى ماكنا
ويضمنا نفس المكان
يضربوا بينا المثل … وازاى العشق حصل
بين قلوب مليانة حنان
لامتى ياحبيبى العناد
وايه راح يفيد البعاد
قالوا زمان الصلح خير
تعال نوصل حبل الوداد
وانت بعيد عنى … يذيد حزنى وهمى
وكان قلبى جماد
ما تيجى نحاول نجرب
من بعض حبيبى ونقرب
ونبعد عن كل حسود
يتدخل بينا ويخرب
ليه كل ما اجيلك … وف عينيه اشيلك
الاقيك منى بتتهرب
الوقت اللى فات وعدى
عشته فى هم وشدة
قلبك هايرق امتى
وعليه يحن ويرضى