الام نيفينن نجيب نشرت على صفحتها على الفيس بوك وكان متداولا بواسطة نشطاء الفيس بوك تغريدة لإبنها المصاب جراء التفجير الذى حدث بكنيسة الشهيد العظيم مارجرجس بطنطا ، قالت
ربنا يطمنى عليك يا روح قلب ماما .
انا النهاردة اتاكدت انى ربين راجل وسيد الرجالة كمان ابو تونية ابيض فى احمر ( الدم ) .
اللى كان واقف بيصلى وهو صايم ، اللى لما حاولوا ياكلوه فطارى قالى ياماما اندهى ابونا يدينى حل افطر انا عاوز ساندوتش فول .
اللى دخل حجرة العمليات وكانت وصيتة للممرضة اوعى تقطعى التونية او ترميها اديها لماما.
اللى ماكانش بيعيط من الوجع أد ما عيط على زمايلة وطلب منى اسال عليهم بالتليفون .
شكراك يارب على وجودك معانا .
بس عزى قلوبنا فى وفاة اخوتنا الغالين الشهداء فخر كنيسة مارجرجس .
