لصالح مين
نتفتت و نتشتت
شمال و يمين
لصالح مين
نعاند و نتباعد
ليه نبقي أتنين
أوعي نسلم للفتنة
اللي هتخرب بيتنا
ليه نعكر لبن حليب
بفراق الهلال من الصليب
أزاي يا مصريين
لصالح مين
أزاي يهون علينا
وطن عايش فينا
كلنا كبرنا من خيره
مهما حد جاملنا
محدش هيتحملنا
وطنا ملناش غيره
بعده هنروح فين
لصالح مين
لو ضاع الوطن
هندفع تمن
إحنا مش قديه
حسابه بجد عسير
هو النهايه و المصير
بعده فاضل إيه
غير ذنب في رقبتنا و دين
لصالح مين لصالح مين
