سفالة و بجاحة و قلة أدب
ده مولد ولا حد دارى
حد يقولى ايه السبب
قال محاكمة أبونا مكارى
ازاى راجل الدين و القداسة
عايزينه يتحول للمحاكمة
ملعون ابوكى يا سياسة
انتى و العصابة اللى حاكمة
الأب بيدافع عن دينه
من غير اى إهانة
لقى عقارب الفتنة بتهينه
و هو فى خانة الادانة
ازاى المظلوم يتحول جانى
حاجة تخلى العقل يشيب
لو عندنا دستور حقانى
كان قال للظلم عيب
أبونا رد على الكلام
من غير اى تجريح
طلبوا ليه الإعدام
و الازدراء مش صحيح
ابونا يا ناس مظلوم
كفاية بقى تلفيق
عمره ما هيكون مهزوم
ده ربنا معاه فى الطريق
لو أبونا مكارى مديون
يبقى عليه و منه العوض
يخرب بيت ام القانون
اللى هيولع فى البلد
ابونا ده راجل دين
يعنى ليه مكانته
احنا كلنا كمصريين
مش هنقبل اهانته
معقول أبونا مكارى يونان
يقف فى يوم قدام قاضى
ده حاجة جنان فى جنان
أي هبل و كلام فاضى
أبونا مكارى خط أحمر
فياريت بلاش ألوان
ربنا مبيعرفش يهزر
خافوا من رد الديان
