بقلم محمد نبوى
كل من يرغب السفر إلى السعودية وبيفكر يرجع تانى وكان عنده مشكلة ونزل ترحيل يخلى باله مفيش عودة تانى إلى المملكة للعمل حتى لو كنت جيت ومكثت فترة وخرجت نهائى.
النظام الجديد لو بيظهر عندك المشكلة حتى لو من ١٠ سنين سابقة حيتم منعك.
القرار ممكن يكون من ٣ شهور تقريبا
ودى تانى قصة لنفس المشكلة.
*”فرجاء التأكد قبل بدء الإجراءات وخسارة الأموال
من رسائل الأعضاء
السلام عليكم .انا بعرض مشكله علي حضرتك منها للتنبيه للى ناوي يسافر.ومنها لو ليه حل عندكم.
الموضوع من سنه ٢٠٠٩ كنت بالسعودية وكفيلي بلغ عني هروب كانت المهنة سائق خاص حاولت معالكفيل يشيل البلاغ طلب مبلغ مادي كبير نسبة في السنة المهم اللى أتى ليه بالفيزا أخبرنى بأنه سيحل الموضوع والبلاغ سيتم رفعه بسهوله.
ظل الموضوع لمدة عام وكلها مناوشات من اجل رفع البلاغ . دفعت للكفيل ٣٠٠٠ ريال علي دفعتين .
من اجل رفع البلاغ للاسف وقتها صدر قرار سعودي ان اي حد عليه بلاغات هروب او اي مشاكل ترحيل.
ظل الكفيل يحاول لكن معرفش يرفع البلاغ قالي سامحني انا ظلمتك ونزلت مصر ببصمه ونزلت نهائي.
فضلت في مصر خمس سنوات ورجعت السعودية وأنا وبالجوازات السعودية ظهر عندهم اني كنت مترحل وعلي بلاغ فضلت معاهم في المكتب نصف ساعه.
عملوا بحث لو أنا علي مشاكل بالسعودية قبل كدا مظهرش ليهم حاجه الحمد لله دخلت السعودية . فضلت سنه ونصف ونزلت نهائي واستقريت بمصر سنه .
وجيبت فيزا تانية ظللت سنه ونزلت مصر نهائي وقررت مسفرش تانى وظللت بمصر سنه واخوي جابلي فيزا وعملت وجهزت اوراق السفر وأنا بالمطار بالجوازات السعودية ظهرت نفس المشكله بس المرة دي .
دخلت سجن الترحيلات وقالوا قرار جديد اي حد عنده مشكلة ونزل نهائي يمنع منعا باتا من دخول السعودية مهما كانت المدة سنه او خمسه او عشرة أو اكثر او اقل.
وفضلت بالجوازات لتاني يوم ورجعت علي نفس الطيران ال كنت جاي فيه .
الهدف من الموضوع هو تنبيه اخواني المصريين او اي جنسية اخري ولو عنده نفس المشاكل يتأكد قبل ما يبدأ في اجراءات السفر او شراء الفيزا.
الهدف التاني ارجو الإفادة من وضع التاشيرة هل يستطيع الكفيل ان يسترد التأشيرة ويستخرجها لشخص اخر.
او هل يوجد اجراء اخر استطيع ان اقوم به.
التقدم بشكوي مثلا. او اي حل اخر . سامحوني علي الاطاله .
ولكم مني جزيل الشكر
