انهارده نور عينيا
عيد ميلادها انما
كل يوم بالنسبة ليا
حاسه انه عيد ميلاد
جوهرة وجاتلي هدية
مبعوتالي م السما
بنتي غاليه وعندي هي
اغلي من كل البنات
مهما هاحكي عن حنانها
مش هيوفيها الكلام
بنتي أستاهل عشانها
اشقى واتعب مهما كان
ف الشقاوة بشوف جنانها
ووسط نومها بشوف سلام
واما اوشوشها ف ودانها
ضحكها يملي المكان
مش فارقه اشوفها مذيعه ولا مهندسة
ولا حتي تبقي طبيبه لتخصص نسا
انا بس عايز تبقي حلوة
وعايشه عيشه كويسه
احساس جميل لما بخش ف حضنها
وكفوفها تلمسني كأني ابنها
مش هي اللي حته مني
انا اللي حته منها
كل سنة وانتي طيبه ياحبيبة بابا وعقبال مليون سنة