قال المهندس وائل الدربي، صاحب مزرعة دواجن، إن أسعار الأعلاف بدأت ترتفع اعتبارا من أول أكتوبر الماضي، وكان هناك تواصل مع وزارة الزراعة لحل الأزمة.
وأشار الدربي، خلال اتصال هاتفي ببرنامج «الحكاية» المذاع عبر فضائية «إم بي سي مصر»، مساء السبت، «إحنا اتخرب بيوتنا، الفراخ مينفعش نخزنها دي فراخ حية مقدرش اتحكم فيها»، موضحا أن تكلفة كرتونة البيض 90 جنيه، مضيفا: «إحنا بنبيعه بـ 75 جنيه وارتفاع سعره مش ذنبنا».
وأضاف أن تكلفة الأعلاف أعلى من البيعي بنحو 30%، منوها بأنه لو انخفض سعر العلف اليوم فأمامنا 40 يوما حتى ننتج، متابعا: «إحنا داخلين على أيام سودة، لا عارفين نكمل ولا نطلع من الشغلانة، متبكيش على اللي راح ماله ابكي على اتوقف حاله، بيقولوا بنصدر منين والمزارع خاوية على عروشها، الوضع قفل زي الدومنة، ورئيس الوزراء يطلع يتكلم على ضب السوق وبعدها بنص ساعة الأسعار تزيد».
وتابع صاحب المزرعة ،«قالوا الأعلاف أفرجوا عنها واحنا ماشوفناش حاجة من الكلام ده.. المستوردين بيقولولنا مافيش افراجات الدولة بتضحك عليكم»، متابعا «لو العلف رخص قدامنا 40 يوم عقبال ما أنتج.. احنا داخلين على أيام سودة».
وقال صاحب مزرعة الدواجن: «وزارة الزراعة والتموين سايبه المستوردين الحرامية الكبار ورايحة لمصنع العلف.. محدش بقا ياخد علف».
وتابع صاحب مزرعة الدواجن: «معناه ايه لما رئيس الوزراء يقعد مع المنتجين مرة واتنين وتلاتة ويطلعوا يغلوا الأسعار ألفين جنيه».
