أمل فرج
عادت الفنانة ميرهان حسين الجدل من جديد حول قرار اعتزالها، حيث أعلنت لجمهورها مرة أخرى وأوضحت حقيقة خبر اعتزالها الفن بسبب ما وصفته بـ”الشللية في الوسط الفني وعدم شعورها بالتقدير”.
وخرجت ميرهان حسين من خلال مقطع فيديو عبر خاصية “ستوري” على موقع “إنستجرام”، وأعلنت: “وحشتوني جدًا، وآسفة أني اختفيت عنكم الفترة اللي فاتت دي، واختفيت عشان أرجع أحسن من الأول، بجد مش عارفة أشكركم إزاي على حبكم واهتمامكم اللي شوفته الفترة اللي فاتت شكرًا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي”.
وأضافت أيضا : “وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده”.
كما أضافت : “كنت مش في أحسن حالاتي وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا”.
ـ نقلا عن الأهرام الكندي ـ
