كتبت ـ أمل فرج
أدلى طبيب شهير بأقواله أمام جهات التحقيقات بالقاهرة، وهو صاحب عمل السائق المتهم في حادث حبيبة الشماع المعروفة بفتاة الشروق، و التي ققزت من سيارة أوبر، أثناء سيرها، و التي كان يقودها سائق الطبيب.
وقال الطبيب أمام جهات التحقيق: “محمود شغال معايا من فترة كبيرة، وأنا مشوفتش منه حاجة وحشة، وكنت بأمنه على أفراد أسرتي، واللي حصل يوم الواقعة، إني كنت معزوم عند واحد صاحبي، ومحمود وصلني هناك وقولتله روح بدري أنت، فهو عشان كده قرر يشتغل الساعتين دول أوبر عشان يحسن دخله، ومكانش باين عليه أي علامة من علامات الإرهاق أو التعب، كان عادي جدا”.
أما فيما يتعلق باستخدام سائق أوبر للبرفان، قال الطبيب في التحقيقات: “أنا مش بطيق ريحة السجاير في العربية، ومحمود كان مدخن، وأنا كنت بقوله حاول ترش العربية معطر، عشان تقتل ريحة السجاير، وهو كان معاه زجاجة برفان بيستخدمها كل شوية عشان ريحة السجاير”.
يذكر أن سائق أوبر المتهم بالشروع في خطف حبيبة الشماع “فتاة الشروق”، كما عرفت إعلاميا، والشروع في قتلها، والقيادة تحت تأثير المخدرات، محبوس على ذمة التحقيقات في القضية، وأن المجني عليها ما زالت في غيبوبة تامة بالمركز الطبي.
ـ نقلا عن الأهرام الكندي ـ
