كشفت الفنان كندة علوش، تفاصيل مكالمة محمد صلاح لها، بعد معرفته بإصابتها بمرض سرطان الثدي، ودعمه الكبير لها.
وقالت كندة علوش، خلال لقائها مع الإعلامية منى الشاذلي، عبر قناتها علي موقع الفيديوهات «يوتيوب»: «صلاح عرف من حد مقرب إن جالي سرطان، فجاب رقم عمرو جوزي، وكلمه يطمن عليا».
دعم محمد صلاح لكندة علوش
وأضافت: «قاله في أي لحظة أنا بيتي في لندن موجود لو هتيجوا تعملوا فحص أو تبعتوا لي الفحوصات وأنا هعرضها علي الأطباء هنا، واتصل تاني وكلمني فقلت له أنا كويسة جدا ومبسوطة إني بسمع صوتك، فاتفاجئ من حماسي وفرحتي، قالي ليكي عيلة وبيت في لندن لو احتاجتي حاجة، ووقتها أدركت قد إيه هو إنسان حقيقي وبسيط».
وأعلنت الفنانة كندة علوش، لأول مرة، عن تفاصيل إصابتها بمرض السرطان الثدي، ومعاناتها مع رحلة العلاج، التي استمرت لفترة طويلة.
وقالت كندة علوش، خلال لقاء مع الإعلامية مني الشاذلي، ببرنامج «حلقات خاصة»، والمذاع عبر قناتها الرسمية على موقع الفيديوهات الشهير «يوتيوب»: «الحقيقة أنا بقالي فترة طويلة، غايبة عن الناس، سواء كان عبر الأعمال الفنية أو الظهور الإعلامي، ولكن هذا وراءه أسباب كثيرة وأهمها أصابتي بمرض».
وتابعت: «ظهرت عليا أعراض بسيطة بس أنا مش بحب اهتم بالتفاصيل، وأنا طبيعتي مش بخاف لأني بسلم أمري لربنا بسهولة، ولما عدى 5 أشهر ونفس الأعراض كانت عندي، فعمرو جوزي قالي انتي لازم تعملي فحوصات، ومكنتش مقتنعة أنه له لازمة، ولكن اقنتعت بعد وقت اني أروح أعمل فحوصات، وأول ما روحت للدكتورة قالت ليا في حاجة مش مظبوظة».
وأضافت: «قررت الدكتورة أخذ عينة، عشان توصل للسبب، وبعد 3 أيام لقيت راجل بتاع التحاليل كلمني وقالي النتيجة مش كويسة، وفي أكثر من مرض، منهم ورم خبيث في الثدي، بس عمرو كان شاكك في الموضوع وقلقان».
كندة علوش تكشف تفاصيل علاجها
وواصلت: «في العيلة يوجد تاريخ للمرض دا، منها جدتي التي توفت بسبب الكانسر، وروحت لدكتور كنا بنثق فيه، وأنا كان عندي كتلة متشعبة فالحالة اللي زي دي مينفعش أعمل العملية، لازم أخذ العلاج الكيمياوي لفترة طويلة، لحد ما تصغر وبعد كدا نقدر نشيلها».
