بهديها النهارده لكل ام فقددت ابنها
في سبيل الوطن . رحم الله كل الجنود الشهداء اللي دمهم فداء الوطن
اوعي تستني يا امي خلاص اجازتي معدتش انزلها
انا رحت للي خلق الناس حياتي معاه هكملها
هناك هكون وسط الامان اطمني ولدك بخير
انا بس غيرت المكان وسافرت ل الهي القدير
انا بين ملايكه بيعزفولي لحن افراح السماء
مبسوطين علشان وصولي انا ياامي مرتاح وف هناء
غصب عني فرقت حضنك مش باايدي صدقيني
عارف اني كنت سندك وانتي كنتي ضي عيني
كان كل حلمك تفرحي وتشوفيني في يوم عريس
بس القدر طبعا قوي مكتوبلي اموت برصاص خسيس
علشان بدافع عن وطن استكتروا فيا اني اعيش
وحياتي ياامي متزعليش .. ومتخافيش ..
دمي مش هيروح هدر قولي يارب وعيشي عادي
واوعي دهرك يتكسر ابنك شهيد والحق جاي
حطي في ربنا الامل اله الكون موجود وحي
متزعليش ياام البطل
