الساعه دلواتي 12 يعني بداية يوم 21 مارس اللي هو يوم الاحتفال بعيد الام. اليوم اللي كل ام بتستناه من السنه للسنه علشان اولادها يحتفلوا بيها.
مش شرط الاحتفال ده يبقي عباره عن هديه ماديه تتقدملها اكيد اي ام فرحتها باولادها انها تشوفهم احسن منها. في المقابل في اسر اتحرمت من الانجاب يعني يوم عيد الام بالنسبالهم يوم صعب نفسيا. و كمان في ابناء امهم ماتت اليوم دا ايضا بيكون صعب نفسيا. و من هنا جت فكرة رساله الحب اللي بقدمها دلواتي في اول دقايق من اليوم دا. يا كل واحده اتحرمت من الانجاب… كلنا اولادك و بنقولك كل سنه و انت طيبه و رمز جميل. يا كل ابن و بنت اتحرم من امه… كل امهات الدنيا بتقولك و تقولك.. انتم ولادنا. . يلا كلنا نكون مع بعض اسره كبيره . كل الامهات امي. . كل الابناء ابنائي . رساله حب و عطاء. . .
