سلاما على وطن بدنه ينزف دماء على يد أبناءه ، سلاما على وطن يسعى للنهوض وسط كل هذه الضغوط بشكل مباشر ،
أوجه كلماتى للشيخ سالم عبد الجليل هو المواطن اللى يهيج الرأي العام بفتنه في الوقت اللى البلد بتحارب الإرهاب وأفكاره مش يبقى اسمه مواطن فاسد برضو طيب الشركات اللى بتشتغل وبتكسب بالملايين وبيفبركوا ميزانياتهم عشان مايدفعوش الضريبه الحقيقية للدوله مش شركات فاسده المناهج التعليميه اللى بتعلم الاطفال من صغرهم أن فيه نوعين من البشر نوع كلام دينه يتحفظ ويتذاكر ونوع تانى ما بيجيبوش سيرته غير تيجى حصة الدين ويقوللهم اتفضلوا بره عشان ده وقت التفرقة .
مع العلم إن الله الواحد اله المحبه في القرأن والإنجيل على حد سواء. مش ده برضوا تعليم فاسد بعض المستشفيات العامة الغير ادميه الموجودة مش برضو إداراتها والمسئولين عنها مش يبقو فاسدين بعض رجال المرور اللى ممكن يوفقك ويتلككلك بس عشان ياخد منك فلوس ليه هو مش برضو فاسد القناة وإدارة البرنامج بالاعداد بالتقديم اللى سمحولك تطلع تقول الكلمتين دول مش برضوا فاسدين ومحرضين والأمثال كثيرة جدا لو كملت كتابه مش هايكفينى رزمة ورق وحضرتك سايب ده كله وجاى لتاريخ اكثر من ٢٠٠٠ سنه من الرقى والتسامح والمحبه لدين ناسه بتدفع دمها فديه لبلدها وبتسكت عشان مايجيش حد يتلكك بيهم ويقول مُضطهَدين ناس كل همها السلام يعم العالم ناس عارفين كويس انك من اقليه جاهله كلامك غير مستند على حق بل على أفكار هدامه وخادعه فسيظل حبنا وستظل مصريتنا ولن تنال من وحدة المصريين ابدا .ورمضان على الابواب كل سنه ومصر مافيهاش امثالك .
رمضان كريم
