بقلم جوزيف العرقاني
ازيك يا بطل وعامل ايه
شكلك فرحان كده ليه
اه انا عرفت فرحتك سببها ايه
ما انا شوفت اسمك فى الاخبار
البطل المغوار الذى قتل المسحيين
عاش البطل عاش قاتل الابرياء بأسم الدين
ياترى يابطل دول كان عمرهم قد ايه
اطفال زى كل مره ولا فى شيوخ ومسنين
على العموم متفرقش مش كله حلال
يفرق ف ايه كبار ولا صغيرين
المهم ان احنا نصرنا الدين
دين ايه يا بطل اللى يقتل ابرار
دين ايه يا بطل اللى يموت اطفال
الدين ده مش موجود غير عندك فى الافكار
مين انت عشان تاخد مكان الجبار
ايه يا بطل خفت ليه
يمكن عشان فكرتك بالجبار
اللى سهران علينا ليل ونهار
ولا عمرى شوفت انه سابنى احتار
وحقى هيجينى منك
حتى لو طلع عليك 100 نهار
فى النهايه ربنا مبينساش حد
وانا مش هقيم عليك الحد
انا ليا اله اقوى من اى حد
