نيافة الانبا انطونيوس مطران القدس يكتب قصيدة لشهداء رحلة دير الانبا صموئيل

نيافة الحبر الجليل  الانبا انطونيوس مطران الكرسي الاورشليمي لشهداء دير الانبا صموئيل.

طفل صغير يوم سألوه
عن دينه ودين أمه وابوه
بص بدهشة و شاور فوق
أصل لايمكن مره يتوه
حطوا المدفع جنب جبينه
وقالوا له أنه يغير دينه.
.
بص بدهشة وشاور فوق
لقيوا صليب مرسوم فى يمينه
قالوا له انك هتموت
رد بسرعة كفاية سكوت.
.
بص بدهشة وشاور فوق
كان شايف مجد الملكوت
قال له نخ قوام يا صعيدى
بص المدفع اللى فى أيدي.
.
بص بدهشة و شاور فوق
ربى حبيبى وملكى وسيدى
قالوا يا عيل منك ليه
انت هتتعب قلبنا ليه.
.
بص بدهشة وشاور فوق
جسد الغربة أنا هرميه
يعنى خلاص ده كلام رجاله
كنت فاكركوا عيال برياله.
.
بص بدهشة وشاور فوق
احنا صعايده أسود شغاله
خد فى دماغك طلقة نار
يادى الخيبة ويا دى العار.
.
ده بص بدهشة وشاور فوق
ومسيحه وربه اللى اختار
يا ولاد المنيا يا جبروت
عصر الشهدا خلاص هيعود
بصوا بدهشة وشاوروا لفوق
متخافش يا عمو احنا اسود.