( الجيش الأبيض )
مهما قولت و كلامى طال
بطلنا غير كل الأبطال
يستاهل 1000000 تحية
اللى شايل حمل الجبال
سلاحه غير أى سلاح
لا هو جندى ولا فلاح
بطل من أبطال الوطن
تعبان تملى عشان نرتاح
مهما أكتب عنه و أقول
ميكفينيش الكلام و القول
أكتب أيه أنا ولا أيه
الطبيب هو البطل المجهول
دوره معانا تملى كبير
هو اللى شايل عنا كتير
وقت الشدة تملى معانا
بيضحى من غير تفكير
ف حضن أولاده مش بيبات
محروم منهم كل الأوقات
فى الشارع و المستشفى معانا
عمال يعالج فى حالات
سنينه اللى راحت و اللى فاته
ضيع علينا أوقاته
لما بنكون فى الخطر
بيفدينا بكل حياته
عايش كل أيامه
باصص لربنا قدامه
عمره ما ساب مريض
متعذب جوه آلامه
هتفضل لينا يا دكتور
شعاع الأمل و كل النور
بأيدك يا طبيب الأطبا
مستحيل الأرض تبور
ألف تحية لكل طبيب
وقت المحنة معانا قريب
عاش ملاك الرحمة
اللى شمسه مش بتغيب
ملاك الرحمة يا أعظم ملاك
متحمل ياما تعب و هلاك
كلمة منى يا دكتور
ربنا يحميك ربنا معاك
