كارن عادل تكتب.. بارادتك تستطيع

• أول حاجة كلنا حوالينا أشخاص بتحاول بقدر الإمكان أنها تحبطنا وتوقعنا.. الأشخاص دي بتخلينا نصدق فعلا إن إحنا ولا حاجة وعمرنا ما هنعرف موصل لحلمنا وإن الأبواب كلها مسدودة، وللأسف الشديد الأشخاص دي بتتمثل في الاصدقاء المقربين، زمايل في مكان معين و أفراد من العائلة. علشان تنجح.. لازم تبعد عنهم.. لأنك لو عايز تنجح لازم يكون حواليك ناس إيجابية، متفائلة وبتشدك لطريق النجاح.

•تاني حاجة لازم تحدد أولوياتك وطموحك وهدفك.. وربنا دائما لازم يكون في أول ال priority list بتاعتك.. لازم يكون الأساس لأن “فَنَظَرَ إِلَيْهِمْ يَسُوعُ وَقَالَ: «عِنْدَ النَّاسِ غَيْرُ مُسْتَطَاعٍ، وَلكِنْ لَيْسَ عِنْدَ اللهِ، لأَنَّ كُلَّ شَيْءٍ مُسْتَطَاعٌ عِنْدَ اللهِ».” (مر 10: 27). وعلي رأي بابا ونصيحته حياتك من غير المسيح ولا حاجة يعني منقدرش ننجح في حياتنا لو المسيح مش فيها، ولو نجحنا من غير المسيح اعرف إن النجاح ده بلا معني أو قيمة بالمرة..

، طبعا باقي الأولويات مهمة من ضمنها طبعا أنت عايز تبقي إيه؟ عارف تعمل إيه علشان توصل للهدف بتاعك؟ عارف أنهي طريق هتُسلُك؟ ولازم يبقي فيه Plan A و Plan B.

•ثالث حاجة لازم تكون واثق بنسبة مليون في المِية إن ربنا عُمرُه ما بيضيع تعبك.. أعمل العليك، أجتهد وأتعب وسيب ربنا يكمل.. زي ما ابتدي الطريق معاك.. هينهي الطريق معاك. ⁦⁩⁦⁩

•رابع حاجة لو جيت في مرة فشلت.. أعرف إنك لسة بتتعلم.. أيوة ياسيدي زي ما أتعلمت تمشي وتقرأ بالظبط. لو جيت في مرة حسيت إن مفيش حاجة بتشجعك إنك تكمل.. حط صورة شخص بيحفزك وناجح جنبك ⁦⁩ علشان كل ما هتستسلم تبص في الصورة و تتفائل بس بردو حط في دماغك to be the successful version of you and not to copy others.

وأخيرا وليس آخرا متعتمدش علي أشخاص في نجاحك.. أبعد عن أي حاجة تلهيك عن نجاحك واجتهادك.