مالك يا اسكندرية حزينة
ردى عليا بأى جواب
متحزنيش على عم مينا
دى مصر بتحارب الإرهاب
يا مسيحيين كتر 1000 خيركم
من عذاب و اضطهاد و تعذيب
كأن فى البلد مفيش غيركم
او قدر مكتوب او قسمة و نصيب
حرام و 1000 حرام
الدم يا ناس غالى
كفاية بقى اجرام
افتكروا رب الاعالى
عم مينا الحارس
ذنبه فى رقبة مين
الراجل الاسد الفارس
اللى على خدمته امين
احنا لسة مش ناسيين
شبابنا اللى زى الورد
شهداء كنيسة القديسين
اللى دمهم روى الأرض
الموضوع زاد عن حده
اكتر من الأول بكتير
لو على الإرهاب احنا قده
اطمنوا مصر لسة بخير
ياريت محدش يضحك علينا
بسم المجنون المختل
عقلنا و الله لسة فينا
كامل عمره ما قل
المسيحيين بيدفعوا الفاتورة
من غير اى ذنب
مع ان أيديهم مش مكسورة
بس هما تكالهم على الرب
