أعلنت الفنانة هنا الزاهد انفصالها رسميا عن الفنان أحمد فهمي.
وكتبت الزاهد عبر انستجرام :” الحمد لله تم الانفصال رسميا بيني وبين احمد بعد ٤ سنين جواز وربنا يكتب لكل واحد فينا الخير”.
ومن جانبه، كان قد رد الفنان كريم فهمي لأول مرة على خلافه هو وزوجته مع الفنانة هنا الزاهد، وكشف سر غيابه عن حضور عرض فيلم شقيقه أحمد فهمي ودعمه.
كتب كريم فهمي في منشور عبر حسابه الشخصي بموقع فيس بوك: «إحنا رجعنا من بره مصر في العيد لقينا في جروب تبع حد بيكتب كلام على مراتي كذب وافتراء».
وتابع: «طول عمر مراتي ملهاش علاقة بالوسط الفني ولا بالمشاكل وحتى علاقتنا الأسرية السابقة كلها احترام من جميع الأطراف.. مجانين السوشيال ميديا ومجانين شراء الفولورز دخلونا فيها.. حسبي الله ونعم الوكيل».
وقال كريم فهمي أيضًا: «أنا آسف إني برد، أرجو محدش له دعوه بينا وخلينا في حالنا زي ما إحنا طول عمرنا ومتدخلوناش في مشاكل ملناش دعوة بيها ونبقى كبش فدا مع احترامي للجميع بس كفاية عبث، أنا مكنتش ناوي أرد عشان عيب بس كفاية كده.. أتمني تكون الرسالة وصلت».
ولم تنكر هنا الزاهد الخلاف مع كريم فهمي وزوجته، لكنها فضلت عدم الرد، وقالت: «أنا جاية النهارده أتكلم عن فيلم مستر إكس بس»
