كشف الفنان أحمد فهمي سبب انفصاله عن هنا الزاهد، وأسرار من حياته الشخصية لأول مرة بشأن طفولته وعلاقته بشقيقه الفنان كريم فهمي.
قال أحمد فهمي في تصريحات تلفزيونية له: «هنا الزاهد بحترمها في علاقتها مع أهلها ودا اللي بيظهر الإنسان كويس ولا لأ.. ده أول حاجة لفتت انتباهي لها».
سبب انفصال أحمد فهمي وهنا الزاهد
وتابع: «هي إنسانة طيبة جدًا وكان بقالنا 4 سنين متجوزين»، وفيما يخص أسباب طلاقه أكثر من مرة، قال: «لو سألت حد في الشارع هيقول إنه ناجح، لكن أنا مقدرش أقول إن أنا ناجح أنا إنسان بغلط وبعيش، الطلاق بيكون العيب فيّ».
واستكمل الفنان أحمد فهمي حديثه بعد انفصاله وطلاقه لهنا الزاهد: «كلمة متخربش البيت في الطلاق، دايمًا بشوف أنها كلمة جاهلة جدًا».
وأكد أنه يعاني من مرض اضطرابات قلق بشكل يومي طوال حياته، ولذلك لجأ للذهاب إلى طبيب نفسي ليعالجه من اضطرابات القلق، معلقًا: «عندي اضطرابات قلق ساعات بتوصل لنوبات ذعر بس مبقتش موجودة مؤخرًا».
وأضاف الفنان أحمد فهمي قائلًا: «وروحت لدكتور نفسي أتعالج لأن طول الوقت حاسس إني في امتحان وبطني فيها مغص يوميًا من غير سبب».
تصريحات الفنان أحمد فهمي
وقال في أول لقاء تلفزيوني له بعد الانفصال أيضًا: «أكتر حاجة ضايقتني كان زميلي بيكلمني كل يوم، ولقيته بيعمل عليّ حملات على السوشيال ميديا في عمل فني معين فاستغربته، وأكتر حاجة بتعصبني في البرامج النفاق اللي بيحصل من بعض الفنانين والمتاجرة بمشاعر الناس».
واستكمل أحمد فهمي: «بعيط عادي أما اتعرض للظلم في بعض الأحيان ولو هتواصل مع حد قبل ما أموت، هوصي كريم أخويا على شوية حاجات ونفسي يكون موتي سهل ومحدش يعيط ويصوت ويكونوا مطمنين إن أنا عند ربنا»، كما تحدث عن علاقته بشقيقه الفنان كريم فهمي، لافتًا إلى أنه أقرب شخص له في الدنيا.
